Zaldiblog

ELUR GUTXI GAUR.

2012-01-29T17:47:00.002Z

Gaur eguerdiko hamabietan ateratako argazkian ikus daitekenez oso elur gutxi zegoen Santamarinezarreko tontorrean.

BIHAR ELURRA?

2012-01-28T21:15:00.001Z

Biharko elurraren esperoan gaur ortzadarra arrapatu dut.

AZOKA LAINOPEAN.

2012-01-23T18:28:00.007Z

Lainopean bizi gara azken egunetan, baina igande eguerdian ordu pare batez atertu zuenez jende asko hurbildu zen neguko azokara.

Jabi Olmoren keramika lanak

Keramika ikasleen lanak.

Ariane Urrestiren bitxiak.

Epaimahaikoak eta antolatzaileak hamaiketakoan.

IGANDEAN NEGUKO AZOKA.

2012-01-20T18:45:00.003Z

BIZTANLEGOA GORANTZA.

2012-01-19T21:09:00.013Z

Biztanleak Zaldibarren:
2.005 ............... 2.895
2.008 ............... 3.008
2.011 ............... 3.081

Jaiotzak (Bake Epaitegiak emandako datuak):
2.008 .............................. 28
2.009 .............................. 32
2.010 .............................. 46
2.011 .............................. 40

Heriotzak (Elizan egin diren hiletetatik atera dut datua, fidagarriagoa delakoan, Bake Epaitegian Zaldibarko lurraldean gertatzen diren heriotzak bakarrik kontatzen dituztelako eta datuak askoz ere txikiagoak ziren)
2.008 ............................ 17
2.009 ............................ 18
2.010 ............................ 15
2.011 ............................ 20

Berri hau irudiz laguntzeko gure herriko kanposantu sarreran dagoen esaldiaz gogoratu naiz, oso kuriosoa iruditzen zaidalako bai grafia eta esaldia bere ere.

"Atzo jaiyo ta gaur ill
demporia arin dabill"

ERREGE MAGOEN KABALGATA.

2012-01-05T21:58:00.006Z

URTE BERRIA SANTAMARINAZARREN HASI.

2012-01-02T18:37:00.005Z

Urte berria ondo hasteko Santamarinazarrera igotzea oso ideia ona izan da aurten ere, eguraldi bikaina eta Zaldua Mendi Taldeak prestatzen duen hamarretakoa primerakoa. Goizean zehar 137 lagun igo ginen eta argazkia egiteko orduan laurogei gutxienez.

Bitoriano Sanz ere han zegoen, urteko euri kantitateen taularekin eta bere kiwiekin egindako argazki batekin, orain ere kiwi asko dituenez emateko prest agertu zen, segi horrela "Naparra".
2007an 1548 l/m2ko
2008an 1794 l/m2ko
2009an 1645 l/m2ko
2010an 1429 l/m2ko
2011an 1151 l/m2ko

OLAZAR PILOTA TXAPELKETA.

2012-01-02T17:48:00.007Z

Urtero bezela Olazar pilotalekua beteta finalak ikusteko, Zaldua Pilota Taldearen antolaketa bikainarekin. Otzara eder bat zozketatu zen eta 500 euroko saria banandu zen kinielisten artean.

Lau terdi barruan, Urretabizkaia (Ikaztegieta) - Bilbao (Ziburu), 22-16 irabazi zuen Urretabizkaiak.

Binakako finalean, Yoldi (Uharte) eta Arratibel (Ataun) - Altzelai (Arrigorriaga) eta Diez (Portugalete). Bizkaitarrak irabazle 20-22.

URTE BERRI ON DENOI.

2011-12-31T12:08:00.002Z

LANGABEZIA ZALDIBARREN.

2011-12-31T11:51:00.005Z

Gure herriko langabezi tasak ezagutzeko Iurretako Lanbide bulegora joan nintzen zenbaki eguneratuak eskatzeko, ez zidaten gehiegi lagundu, zeren beraien web horrian begiratzea oso erreza da, baina datuak ez daude oso eguneratuak, betan beraien eta Eutaten web horrietan begiratzeko esan zidaten, laguntza eskasa benetan.

Urriko datuak dira eguneratuenak:
Langabeak 153 (%9,6), gizonezkoak 64 (%7,2) eta emakumezkoak 89 (%12,7)

2011 urteko bigarren hiruhilekoan:
Autonomi erkidegoan %13,40
Bizkaian %14,64
Araban %13,03
Gipuzkoan %11,64
Zaldibarren %10,61

SAN ESTEBAN EGUNA.

2011-12-28T16:32:00.006Z

San Esteban jaia berreskuratu zenetik, euro baten truke taloak sagardoarekin eta gaztaina erreak ematen dira, Koral Elkarteko trikitilariek alaitzen duten arratsalde hotz batean. Tartean aldarrikapenetarako (oraingoan euskal presoen alde) tartea ere izaten da.

Antzina baserrietako errenteroek urteko errenta pagatzeko eguna izaten zen eta jabeek janari bat ordaintzen zieten errenteroei, gero idi probak eta erromeria izaten ziren jai egun handia ospatuz.

OLENTZERO ALAIA.

2011-12-26T22:32:00.010Z

Koral Elkarteko antolatzaileak Rafa Urizar zinegotziarekin.

Alaitsu hasi zuen arratsaldea Olentzerok eta gero erantzukizunaren seriotasunez bete zuen bere lana, lehenengo udaletxeko plazan txartelak banandu umeei geroago sariak hartzeko, gero herritik kalegira eta Zaldua plazan hitz batzuk umeentzat eta azkenik sarien banaketa.
Mila esker Olentzero, eta datorren urtean ere etorri.

Ospitale sikiatrikora sartzen.
Kalejiraren barnean ospitalera ere bisita egiten da, aukera ederra izaten da ospitaleko parkea gutxienez ezagutzeko eta noizbait zati bat behintzat herriko parkea izango dela amesteko.

Olentzero Zaldua plazara heldu da eta bertan opariak bananduko ditu umeei hitz batzuk esan eta gero.

OSTEGUNEKO HERRI BATZARRA.

2011-12-17T23:50:00.003Z

Ostegun arratsaldean egin zen herri batzarrean bederatzi zinegotzi (denak PSOEkoak izan ezik) eta hirurogeiren bat herritarrek liburutegi zaharra bete zuten. Kexak eta iradokizunak egiteko ordi terdiko batzar guztiz irekia egin zen, zenbait kasutan eztabaida eta zinegotzien azalpenak entzuteko aukera izan genuen, eta guzti horien jarraipena egingo zutela egiaztatu zuten zinegotziek. Hona hemen horietako batzuk:

Kexak:
Futbol zelai ondoko etxeetan arazoak dituzte komunitateko gastuekin etxeak egin zituen enpresarekin, eta bizilagun batzuk ur beroarekin eta berogailuarekin.
San Andres etorbideko ur arazoentzat Ur Partzuergoa proiektu bat egiten ari da arazoa konpontzeko.
Kamioien trafikoa erdigunetik oraindik ere oso haundia da ez direlako saihesbidetik sartzen industri poligonora, eta saihesbidearen hirugarren fasea bukatzeko dirurik ez dagoenez, arazoak konponbide zaila du momentuz. San Andres etorbidean ere oso azkar pasatzen da trafikoa.
Zenbait lekutan zaborren kontenedoreak egoera txarrean daude eta askotan edozein modutak lagatzen dira altzari eta bolumen handiko zaborrak.
Liburutegia gabonetan itxita egotea faena bat dela.
Tabernen ordutegiak (izteko ordutegirik eza) arazoak eragiten ditu taberna gainean bizi direnentzat.
Zaldua plaza eta inguruaren egoera negargarria eta honetan ere dirurik ez dagoenez konponketa oso bat egiteko, zelan egin eztabaidatu zen.
Tren geltoki zaharra zegoen lekuan gauez egiten dituzten lanak oso zaratatsuak dira.
San Andres etorbideko etxeen azpian dauden pare bat enpresek arazoak eragiten dituzte gainean bizi diren herritarrengan, batez ere makinen bibrazioarekin.

Iradokizunak:
San Martin plaza peatonalizatzea.
Frontoirako fitxak liburutegian ere saltzea.
Bolatoki kaleko estalpea aldatu eta plazatxo guztia estaliko zuen zerbait jarri.
Kaleak garbitzeko makina bat erosi.
Olazar ingurua txukundu.
Komun publikoa ipintzea.
Udaletxe gaineko etxebizitzak dohainik erabiltzeagatik Osakidetzari zerbait erreklamatzea.

AUZOLANAREN KULTURA.

2011-12-13T21:21:00.005Z

"Auzolanaren kultura" liburua Jasone Mixteltorena kazetariak idatzi du, bertan auzolanaren iragana, oraina eta etorkizunerako duen indarra azaltzen du luze eta sakon.
Euskal Herriko zenbait herritan egiten diren auzolanen adibideak ipintzen ditu, eta horietako bat Zaldibarrena da, 2005. urtean Elexoste kalea garbitzea eta 2009. urtean Santamarinazarren landatutako zuhaitzen auzolanak kontatzen ditu bi orrialdetan eta blog honetatik ateratako argazki bat ere ipintzen du (Santamarinazarren herritarrak lanean ikusten dira).

Auzolanerako deiak Herri Batzarretan egiten zirela kontatzen du liburuan, ba Zaldibarren orain ere egiten ari dira Batzarrak, oraintsu auzoetako biztanleekin eta datorren ostegunean, arratsaldeko zazpiretan, liburutegi zaharrean herriguneko biztanleekin egingo da. Batzarretan parte hartzea auzolanaren hasiera ere izan daiteke, beraz denok gaude deituak herriaren hoberako.

GAIZKA ZABARTE DURANGOKO AZOKAN.

2011-12-09T21:52:00.005Z

Ahotsenea gunean aurkeztu zuen Gaizka Zabartek bere nobela Durangoko Euskal Liburu eta Disko Azokan, Edorta Jimenez idazlearekin solasaldian. Lehenengo hiru argazki hauek Rafa Iraetak utzitakoak dira, eta besteak Susa argitaletxearen standean neuk egindakoak dira.

SUKALDARITZA BEGETARIANO IKASTAROA "HELMUGA"K ANTOLATUTA.

2011-12-03T17:47:00.009Z

Errekabarrena Elkartean egin dute Sukaldaritza Begetarianoa ikastaroa "Helmuga" Zaldibarko Emakumeen Elkarteak antolatuta. Azaroan zehar, bost egunetako jardunaldiak Patxi Marina "El pastor del Gorbea" jatetxeko sukaldariarekin, egun bakoitzean lehengai bati buruzkoa izan da eta lau plater ezberdin egin dituzte eguneko (patata, kipula, piperra, tomatea eta perretxikoak izan dira egun bakoitzeko gaiak). Hamairu lagunetako bi talde izan dira guztira eta oso modu didaktiko eta praktikoan izan da ikastaroa. Amaieran afaria egiten dute prestatutakoarekin.

Durante cinco días de noviembre se ha celebrado un cursillo de cocina vegetariana en la Sociedad Errekabarrena organizado por "Helmuga" Asociación de Mujeres de Zaldibar.
Dos grupos de trece personas han seguido las explicaciones del cocinero del restaurante "El pastor del Gorbea" Patxi Marina. Cada día lo han dedicado a un producto con el que preparaban cuatro platos, los productos han sido el tomate, la patata, la cebolla, el pimiento y las setas. Y al final de cada sesión han cenado juntos los platos preparados.

XXI. ARGAZKI LEHIAKETA.

2011-12-02T22:06:00.017Z

XXI. Argazki lehiaketa antolatu du Ilargi Argazki Taldeak, guztira 44 partehartzaile, 24 Durangaldekoak eta 11 Zaldibarrekoak, udaletxe zaharrean egin da erakusketa partehartzaile bakoitzaren argazki banarekin.

1. José Agustín Gurruchaga (Bergara). Igaz bezala irabazle, aurten ez da etorri sari banaketara.

3. Javier P. Fernández Ferreras (Berango). Aurten ez da etorri sari banaketara.

2. Juan José López Azurmendi (Bergara). Igaz bezala bi bergarar sarituak, hau bai etorri zen alkatasaren eskutik bere saria jasotzera.

Herriko saria Rafa Iraetarentzat, hor ageri da bere saria jasotzen.

Sarituak udaleko eta Ilargiko ordezkariekin.

EUSKAL HERRIKO TRIKITILARI GAZTEEN XX. TXAPELKETA (III).

2011-12-02T21:17:00.006Z

Sari banaketa.
Irabazleei ez zaie txapelarekin jotzea gustatzen eta azken pieza jotzen dutenean txapela "erori" egiten zaie. Gero argazkietarako berriz ipintzen dute eta oso atzegin betetzen dituzte argazkilarien eskariak.

Jose Mari Iriondo soinujoleak opari bat prestatu zuen finalistentzat eta berak eman zien banan banan partitura bat eta berak gaztetan entzuten zituen diskoen grabazioa, oso detaile polita Iriondoren partetik, berak bai merezi duela oparia eta omenaldia, bejondaizula Jose Mari.

EUSKAL HERRIKO TRIKITILARI GAZTEEN XX. TXAPELKETA (II).

2011-12-01T17:55:00.006Z

Txapeldunak, igaz bezala, Itsaso Elizagoien (Etxalar, 16 urte) eta Irune Elizagoien (Etxalar, 18 urte).

2. postuan Ander Beldarrain (Orio, 16 urte) eta Eider Iraola (Zestoa, 19 urte).

3. postuan Xabier Urtasun (Irurita, 18 urte) eta Eider Pikabea (Bera, 18 urte).

4. postuan Beñat Ganboa (Aretxabaleta, 14 urte) eta Maider Azkarragaurizar (Arrasate, 16 urte).

EUSKAL HERRIKO TRIKITILARI GAZTTEEN XX. TXAPELKETA. (I)

2011-11-30T20:52:00.008Z

Igande arratsaldean jokatu zen Euskal Herriko Trikitilari Gazteen XX. txapelketa Olazarren, pilotatokia gainezka bete zen eta giroa ere ezin hobea arratsalde osoan, lehenengo argazkia txapelketa hasi baino bost minutu lehenagokoa da, bigarrenean epaimahaia, erdian José Mari Iriondo soinujolea, berak final honetarako konposatutako "Garraiz Fandangoa" jo behar zuten hirugarren ariketa moduan finalista guztiek.

8. postuan Maria Lasa(Zizurkil, 14 urte) eta Garazi Otaegi(Asteasu,14 urte).

7.postuan Paul Eizmendi (Donostia, 15 urte) eta Eider Manso (Lasarte, 16 urte).

6. postuan Jone Uria (Eibar, 19 urte) eta Julene Otegi (Mungia, 18 urte).

5.postuan Josune Arakisttain (Deba, 15 urte) eta Alaitz Eskudero (Deba, 14 urte).

IGANDEKO MENDIKO BIZIKLETA MARTXA.

2011-11-28T21:16:00.009Z

Igande goizeko mendiko bizikleta martxaren arrakasta ez sinizteko modukoa izan da, 348 txirrindulari agertu dira goizeko hamarretarako, Zaldibar inguruko mendietan martxa ederra egiteko, Lagun Artea txirrindulari elkarteak lan izugarria egin behar izan du guzti guztiak ondo zaintzeko.

Hasieran lainopean eta hotz handiarekin baina gero giro politarekin bukatu da martxa, gero bizikletak garbitzeko ere itxaronadi luzeak egin behar izan dituzte Olazarren.

ARKU TIRO TXAPELKETA.

2011-11-27T21:04:00.009Z

Arku Tradizionala:
1. Portela Alvarez, Alberto (Barakaldo)
2. Alcibar Ayarza, Joseba (Derio)
3. Ten Bayona, Julio Ignacio (Abanto- Zierbena)

Arku konposatua:
1. Paniagua Susinos, Carlos (Valladolid)
2. Urretabizkaia Mendiola, Juan Mari (Urretxu)
3. Sanz Furelos, Hector (Valladolid)

Arku errkurbatua:
1. Hernandez Palacin, Hilario (Abanto-Zierbena)
2. Ureta Masia, Ivan (Abanto-Zierbena)
3. Blanco Sanmamed, Joshe (Zaldibar)

Gaztetxoak, 14 urtetik beherakoak:
Ramirez Cortes, Christian (Barakaldo)
Del Hierro Conde, Aitor (Zaldibar)
Sanchez, Adrian (Etxebarri)
Mugira Sarriugarte, Aitor (Zaldibar)
Segura Gomez, Andoni (Barakaldo)
Marin Muñoz, Ibai (Barakaldo)

Arku Tiro Txapelketa jokatu da gaur goizean Polikiroldegian, XIV. San Andres Saria eta Estatu mailako Postal Ligarako puntuagarria.

ARTISAUTZA ETA ABAR.

2011-11-26T23:31:00.011Z

Artisau azoka asteburuan udaletxe inguruan, eta gaur arratsaldean txokolatea eskaini dute Eskolako Guraso Elkartekoek umeentzat eta ume izan zirenentzat ere.

Leku ezberndinetako janari salmenta postu asko eta artisau lanean bi bakarrik, beirarekin figurak lantzen aritu dena egun osoan eta errementaria jo eta su burdina lantzen aritu dena.

Geroxeago Eusko labeldun oilasko erre pintxoak sagardoarekin, arratsaldeko hotza pixka bat girotzeko, jende uholdeak egon gabe, egun osoan hor ibili da jende asko salmenta postuen inguruan.

GORA RUBEN PEREZ!!! GORA TXIRRINDULARITZA!!!

2011-11-25T22:04:00.006Z

Omenaldi ederra egin zaio arratsaldean Rubén Pérez txirrindulari zaldibartarrari, ohorezko txirringazko arkua egin diote Lagun Artea Txirrindulari elkarteko gaztetxoek (Gutiren lana izan da gazteak ekartzea, azken hogeta hamabi urteetan bezela Txirrindulari Elkartean lanean, mila esker Guti aitari eta Francis bere semeari), lehenengo argazkian hor ari dira Guti eta Rubén hizketan.

Gero aurrezkua dantzatu dute bere omenez.

Lore sorta udalaren partetik eta herritar guztien txaloak bere esker hitzak entzun ondoren.
San Andres jaien hasiera adierazteko txapligua jaurti du Rubenek udaletxeko balkoitik.

Hiru taldekide ere etorri dira Rubeni laguntzera hainbeste argazkilari, ume eta herritarren eskariak asetzeko, primeran portatu dira denak, ezkerrtik hasita Koldo Fernández de Larrea, Jonathan Castroviejo eta Amets Txurruka, mila esker hauei ere.

Umeak udaletxetik bota dituzten karameloak batzen.

Bukatzeko Izukari tabernan pintxo batzuk denontzat, hor ere argazkilariak eta herritarrak animoz aguantatzen, ondo dekoratu dituzte hormak Rubenen eta Francis Gutierrezen argazki eta prentsa albisteekin, kanpoaldean eskerrak emateko eta tourrean etapa bat lortzeko animoekin ipini dute arbel bat.

SAN ANDRES JAIAK 2001.

2011-11-23T18:39:00.005Z

Rubén Pérez txirrindulariak jaurtiko du jaiak iragartzeko txapligua eta baita Zaldibarko herriaren omenaldia jasoko bere kirol ibilbideagatik. Ondoren denetariko ekintzez betetako lau egunetako jaiak izango dira.

ALEX TXIKON BIZKOR BIZKOR.

2011-11-16T18:05:00.005Z

Pena hauandia izan zen lasaitasun pixka bat ez izatea atzoko hitzaldiak, Alex beste leku batera joan behar zelako, ordu beteko saioa egin, lagunak agurtu eta alde egin zuen.
Hitzaldi ederra egin zuen bere kirol jarduerari buruzkoa (alpinista eta aizkolari moduan), bere blogean berri gehiago eta telebistarako elkarrizketa interesgarria daude:
http://alextxikon.blogspot.com

Beste bideo hau ere ikusgarria da: http://www.youtube.com/watch?v=eL3gPHNOMFM&feature=player_embedded

ASTEBURUAN AGILITIY LEHIAKETA OLAZARREN

2011-11-14T21:03:00.009Z

Agility Iurreta taldeak antolatuta (http://agilityiurreta.blogspot.com) txakurren abileziak ikusi dira Olazarren asteburu honetan.

Sari banaketan Zaldibarko alkate eta zingotziekin Axular Casado antolatzailea.

Agility Iurreta taldeko partehartzaileak. Gero guztiek oroigarri bana hartu zuten Axularren eskutik. Goiko irudian partehartzaile guztien argazkia.

MENDIZALETASUNA ETA EUSKARA HITZALDIA.

2011-11-13T19:21:00.003Z

ASTEBURU EURITSUA.

2011-11-08T21:20:00.008Z

Euskalmetek Eitzagan ipini berri duen estazio metereologikoan hartutako datuak:
ostirala 2011/11/4: 11,5 litro/m2
larunbata 2011/11/5 : 85 litro/m2
igandea 2011/11/6 : 104,8 litro/m2
Nik dakidala ura Olazar eraikeneko behean dagoen rokodromoan bakarrik sartu da, putzuak ugariak izan diren arren.
Goiko irudia Solozabal industrialdean igande eguerdian egindakoa da.
Beste irudiak igande arratsaldekoak dira, hiru Bañeroste inguruan eta azkena Gaztetxearen ondoan.

PERRETXIKO ETA KERAMIKA ERAKUSKETA.

2011-11-06T21:38:00.006Z

MIKOLOGIA JARDUNALDIAK DATORREN ASTEBURUAN.

2011-11-02T20:23:00.005Z

Larunbatean perretxikoak batu eta arratsaldeko lauretan udaletxera eraman, aukeraketa eta sailkapena egiteko.
Igandean erakusketa hamarretatik ordu biak arte.
Umeentzat keramika tailerra udaletxe plazan igande goizean.

ONDAREAREN EUROPAKO JARDUNALDIAK (2)

2011-10-29T21:11:00.006Z

Lehenengo bisita gidatuak Zaldua plazako eraikinak eta San Andres Eliza nabarmenduz. Gauzarik aipagarrienak XV. mendeko harrizko erretaula (lehen elizpan zegoena eta orain eliza barruan) eta gangaren egurrezko nerbioak (originalak direlako leku gutxitan bezela) direla esan digu gidariak.

Gero pilota partida elizpan eta tarteka Eneko Abasolo "Abarkas" bertsolariak jokalariak bertsoekin animatuz.

Eta bukatzeko Iurretako neska dantzariek, berriki berreskuratu den emakumezkoen soka dantza egin dute Zaldua plaza erdian, neska dantzariek ikusleen artean dauden gizonezkoak ateratzen dituzte, lehenengo beraiei eskaintzen diete dantza bat eta gero dantzarien sokan sartzen dituzten azkenean denek elkarrekin dantzatzeko. Kostatu zaie gizonezko dantzariak ateratzea plaza erdira baina gero atzera egiterik ez zegoenez denek dantzatu dute.

ONDAREAREN EUROPAKO JARDUNALDIAK ZALDIBARREN.

2011-10-25T16:20:00.002Z

"Argiak eta aurrerapena. Bizkaia Ilustrazioaren garaietan" izenburuarekin jardunaldiak antolatu dira Bizkaian zehar. Gure herrian datorren larunbatean izango da, goizeko hamar terdietatik hamabietara "Elizaldeko plaza:gune zibila" izeneko bizita gidatua, eta ordu bata terdietan "Elizaldeko plaza: gune soziala" izenburuarekin, pilota, bertso eta dantza. Banatu diren programetan, batzeko lekuak ez daude oso zehaztuak, lehena Zaldibarko Plaza eta bigarrenerako Zaldibarko frontoia jartzen duelako.

GAIZKA ZABARTE BERE NOBELA AURKEZTEN.

2011-10-21T14:09:00.004Z

Gaizka Zabartek Donostiako Udal Liburutegiko sotoan aurkeztu zuen atzo "ZAHARRAK EZ ZUEN HIL NAHI" nobela.
Sotoa izango da, baina nobelari ondo egokitzen zaion kokapena ere ematen du, katakunba, panteoia edo nitxo erraldoia ematen du, edo ehorzlearekin zita egiteko leku aproposa, argazkiak nire arreba Mariak egindakoak dira, ni ez nintzelako han izan, baina nobela irakurri dut eta asko gustatu zait.
Hemendik aurrera izango dira beste aurkezpen eta liburu sinatze gehiago, bejondaizula Gaizka.

Anboto aldizkarian egin dioten elkarrizketa:
http://www.anboto.org/albistea/10360/orain-lau-urte--idatzi-nuen-nobela-gordeta-eduki-dut/

GAIZKA ZABARTE IDAZLE.

2011-10-16T16:55:00.005Z

Azala, kontrazala eta barruko argazkia.

Gaizka Zabartek datorren ostegunean (urriak 20) aurkeztuko du bere nobela, Donostiko Udal Liburutegiko sotoan goizeko 11:00etan. Susa argitaletxearen eskutik kaleratu berri du bere liburua Gaizkak. Nik www.susa-literatura.com webgunean irakurri dut lehenengo kapitulua eta irakurtzen jarraitzeko gogoz gelditu naiz, baina liburudendan erosi arte itxarongo dut irakurketa jarraitzeko. Bitartean sarean aurkitu dudan sinopsi hau kopiatuko dizuet:
"Ehorzleak larunbatean goizeko zortzietan telefonoz deitzen badizu, esanez zurekin hitz egin nahi duela eta ordubete barru hilerrira joateko, harritu egingo zara. Baina, ordubete barru, zure aitaren obi gainean eserarazi eta ehorzleak esaten badizu kontu txiki bat daukala zure aitari buruzkoa, orduan hunkitu eta aztoratu egingo zaitu.
Heriotzazkoa eta maitasunezkoa da Gaizka Zabarteren nobela, ustekabez eta umorez zipriztindua eta dotorezia apartaz ondua"

LEHENENGO HERRI BATZARRA.

2011-10-13T18:59:00.008Z

Larunbatean udalak deitutako lehenengo herri batzarra egin zen, 210 zaldibartar batu ginen Olazar pilotalekuan (gure herriko biztanleriaren %7 inguru). Udal gobernu taldeko zinegotzien azalpenak entzun genituen, nolako egoeran aurkitu duten udala eta zer egiteko asmoa duten azaldu ziguten, atal bakoitzaren ostean galderak eta iradokizunak egiteko aukera egon zen.
Orain auzoetako batzarrak egiten hasi dira eta aurrerantzean urtean bi edo hiru herri batzar egiteko asmoa du udalak.
Bertan entzundakoaz eta Aitor Arizmendiarrieta zinegotziak emandako argibideekin kronika moduko bat egitera ausartuko naiz.

Zorra:
Hiru milloi euro inguru, 2008,2009 eta 2010 urteetan eskatutakoak eta mantso mantso 2026. urterarte ordaintzeko epea dagoena.
Industrialderako saihesbidearen 3. faserako eta Bilbo etorbidea urbanizatzeko eskatutako maileguetariko bat (800.000 euro, 2010. urtean) ez dira obra horietarako erabiliko, baizik eta eskoletako eremuan eraikin berri bat egiteko, non haurtzaindegia eta 2-3 urteetako umeak sartuko baitira. Hori izango da lehentasuna beste egitasmo guztien gainetik, orain Kzgunea dagoen eraikina bota eta bertan beste erikin baten haurtzaindegia eta 2-3 urteko umeean eskola, bitartean prefabrikatutako moduloetan egongo dira.

Zergak:
2006. urtetik ez dira igo eta orain era progresiboan igoko dira (gehiago daukanak gehiago ordaindu), erabiltzen ez diren etxeei zerga gehiago eta egoera ekonomiko larrian dauden pertsona eta enpreseei ordainketak atzeratu. Zilindrada handiko kotxeei zergak igoko zaizkie.

Udal langileak:
Arkitektoak eta Arkigest bere enpresak 411.000 euro irabazi ditu azken lau urteetan,inongo ordutegiren kontrolik gabe eta asteko egun baten bere enpresako langile bat bidaltzen zuela; orain alde egin duenez ea beste arkitekto zintzoago bat kontratatzen duten.
Hamazazpi udal langileen artean badaude batzuk lan kontratu gabe edo kontrolik gabeko kontratuekin, orain beraien sindikatuekin negoziatzen ari dira kontratuak ondo arautzeko.

SR1:
Ese erre uno, horrela deitzen dute futbol zelai berriko inguruetan egindako urbanizazioari, José Andrés Urizar zinegotziak emandako azalpen luzetik bi gauza gelditu zaizkit nahiko argi, bat 70 etxebizitzako proiektua, 189 etxebizitza, gehi futbol zelaia, gehi inguruko parke eta urbanizazioara pasatu zela eta horrela etxebizitzak askoz ere garestiagoak atera direla; eta bi, eskola eremua txikiagoa gelditzen dela eta orain etxeak saltzen ez direnez, ezin da egin Hezkuntza Sailarekin adostutako proiektua, bere oinarrian etxeetatik aterako zen dirua zegoelako.

Herritarren parte hartzea:
Alkatesaren esanetan, udal irekia,parte hartzea bermatzen duena, zabala eta gardena nahi dute, horretarako udal batzorde informatiboak irekiak dira eta edozeinek eman dezake bere iritzia botorik izan ez arren erabakietan, berri honen azkenengo partean dagoen kuadroan azaltzen dira asteko eta hileko zein egunetan den batzorde bakoitza.
Osoko udal batzak ostegun arratsaldeetan egingo dira bi hilerik behin, jente gehiagoren partehartzea bermatzeko.
Alkatesarekin hitz egiteko , aldez aurretik hitzordua eskatuta, onakoak dira, asteartea(9:30-11:00) eta asteazkenetan (13:00-15:00)

LARUNBATEAN HERRI BATZARRA UDALAK DEITUA.

2011-10-05T16:38:00.003Z

MENDI IRTEERA KALAMUARA, UMEEKIN.

2011-10-04T17:25:00.004Z

Pasa den igande goizean Kalamua mendira (768m) irteera egin zen Eskolako Guraso Elkarteak eta Zaldua Mendi Taldeak antolatuta, hogeiren bat ume, beren gurasoekin eta Zalduako sei sherpa. Eguraldi bikaina zegoela aprobetxatuz Usartzako (582m) aparkalekutik zuzenean Kalamuara (768m) joan ginen, baina bueltatzeko beste hiru tontor igo genituen, Garagoitxi(701m), Arrikurutz(749m) eta Aizketa(700m), azken horretan Peli Berasaluzeren omenezko plaka bat dago hura izan zelako igo zuen azken mendia.

Arrikurutetik ikuspegi ederra zegoen.

Denok txintxo txintxo eskarmentu handiko mendizaleen laguntzarekin igoeretan eta jeitsieretan beraiek zabaltzen dute bidea.

Umeek hamaiketakoa egin eta gero pinu eihar horretako azal azpiko bitxo bolak hartzen eman zuten denbora.

IKASTARO GEHIAGO.

2011-10-03T17:05:00.005Z

Seguruenik ikastaroren bat ahaztuta geldituko da, zerbait ipintzea nahi duzuenok komentarioen atalean esaidazue eta ahal dudana egingo dut.

Javi Olmok keramika gela berriztatu du eta ikastaroak eta abar egiteko prest dago, dakizuenez Gaztetxearen gainean dago keramika gela.

AGUR DISORDERS.

2011-10-02T15:49:00.004Z

AGUR DISORDERS AGUR.
MILA ESKER DISORDERS MILA ESKER.

Oso hunkigarria Disordersen azken guda dantzako kontzertua, lagunekin, lagunentzat, lagunen artean, elkartasun perfektuan joan zen egun osoa eta azken kontzertua.

Hunkigarria benetan Iñigo nola emozionatzen den lagunei eskerrak emateko orduan, hitzik gabe eta malkotan gehienetan.

PRIMERAKO TXIRRINDULARIAK OKANGOKO SANMIGELEN

2011-10-02T15:08:00.005Z

Gaizka Barrainkua berriztarrak irabazi zion Rubén Pérezi zortzi bueltetako zirkuitoan, agian bere familiaren etxearen ondoan korritzen zuelako edo Rubén pixka bat beheraxeagokoa delako. Eskertzekoa da Rubenek lasterketa animatzeko egin zuen esfortzua.

Gero jeitsieretako espezialisten txanda ikusgarria izan zen, salto ikusgarriekin.

DISORDERSEN AZKEN GUDA DANTZA LARUNBATEAN.

2011-09-29T17:21:00.003Z

Disorders taldearen azken guda dantzarako prestaketa lanak abian dira, larunbatean merezi duten agurrerako dena prest egongo da, bazkaria, poteoa, kontzertua eta ondo pasatzeko gogo itzela.

DENETARIKO IKASTAROAK, DENONTZAT.

2011-09-28T17:44:00.005Z

LARUNBATEAN AUZOLANA PARKEETAN.

2011-09-25T14:33:00.011Z

Auzolana egin da larunbat goizean berrogeita hamar bat herritarren artean herriko parke bitan.
Tabernasolo parkean lurrez estali dira zoruko zuloak eta gero erroiloarekin zapaldu.

José Antonio Agirre parkean harri bolkaniko gehiena kendu da, eta azpian zeukan olana ere, gaztetxoek ere lagundu dute harria lorategitik kentzen eta saku erraldoietan gordetzen, orain lorazainen txanda izango da benetako lorategia bihurtzeko.

Auzolanatarrek argazkia egin dugu eta gero hamaiketakoa.

BERTSO AFARIA GOIERRIKO AUZO-ETXEAN.

2011-09-24T15:29:00.007Z

Afaria primerakoa, arratsalde osoan lana ederto egin zuten Aitor Intxaurraga eta sukalde laguntzaileek.

Arkaitz Estiballes eta Jon Maia izan ziren bertsolariak, oso saio animatua egin zuten bien artean.

OSTIRALEAN BERTSO AFARIA ETA LARUNBATEAN AUZOLANA.

2011-09-18T10:09:00.003Z

Eta larunbatean goizeko bederatziretan, udaletxeko plazan batuko gara auzolanerako prest gaudenok, ahal duenak aitzurra eta pala ekarri behar ditu.
Tabernasolo parkean zuloak lurrez estaliko dira eta José Antonio Agirre parkean harri bolkanikoa kenduko da.

GARA EGUNKARIAN ERE.

2011-09-17T10:26:00.002Z

GARA egunkariko argazkia da goikoa,txirrindulariak Goierri auzoko zubitxopetik, pasa den igandean argitaratua, aurreko eguneko"Vuelta"ko etapa ilustratzeko.

Txirrindularitza bai....

2011-09-12T06:26:00.003Z

VUELTA CICLISTA A ESPAÑA.

2011-09-10T19:50:00.005Z

Txirrindularitza ikusteko gogo handia zegoen gaur eguerdian "Vuelta" gure herritik pasatu denean, segurtasun neurri nabarmenegien artean ziztu bizian igo dituzte Zaldibarko aldapak.

Aldarrikapenetarako tartea ere izan da.

Behin profesionalak igarota zaletuen ordua izan da, Areitioko maldetan karrera ikusi eta gero etxera bueltan.

ENBOR JAURTIKETA.

2011-09-06T16:19:00.002Z

Abuztu osoa enbor jaurtiketa entrenatzen aritu naiz, Finlandiako Satakunta eskualdeko Kokemäki herrian jokatuko den mundu mailako afizionatuen txapelketan parte hartzeko. Lehenengo kanporaketa hilak 17 larunbatean izango da, eta Urkiolako pagoekin lortutako indarrarekin gainditzrea espero dut eta gerokoak ikusiko dira.

SANTAMAÑAZAR EGOARBITZATIK IKUSITA.

2011-08-19T17:44:00.001Z

AGUR MAISUEN ETXEARI.

2011-08-11T18:08:00.003Z

Lehenengo argazkia uztailaren 3an ateratakoa da, besteak gaurkoak, abuztuak 11.

JAIENGATIK ZORIONTZEKO.

2011-07-23T09:43:00.005Z

Jai oso onak antolatzen dituztenak Zaldibarko goierritarrak santamañetan, hain onak ze Juan Gorriti eskultorearen belarrietara ere heldu dira jaien arrakastaren oihartzunak, eskertze moduan eskultura hau oparitu die Goierriko soziedadekoei.

http://www.eitb.com/videos/television/capital-cultura/detalle/639197/capital-cultura-juan-gorriti-leopoldu-zugaza

helbide horretan Juan Gorriti ezagutzeko aukera dago, bertan telebistarako berari eta Leopoldo Zugazari elkarrizketa interesgarria egiten diete.

ETA LARUNBATA GAUEAN...

2011-07-23T09:02:00.006Z

Lehenengo abestu Luhartzekin.

Gero dantzatu.

Eta tarteka edan(kamiseta gorrian dioenez, EDAN erromeri show).

LARUNBATA ARRATSALDEA GOIERRIN.

2011-07-21T16:41:00.005Z

Aritza Rodriguez eta bere lagunek kale antzerki ikusgarria eskainu zuten arratsaldetik. Tartean Italiatik etorritako Pelotini anaiak ere.

Txina urrunetik Txan Dal eta Txin Txin ariketa oso zailak eta magia ez hain zailak egin zituzten.
Aritzak esan zidanez Txan Pu etxean gelditu zen.

Antzerkia amaitu zenean txokolatea eta bizkotxoak umeentzat eta motero nagusi hauentzat ere.

LARUNBATA GOIZA GOIERRIN.

2011-07-17T19:52:00.005Z

Goierriko Santa Marina jaietan larunba egun bikaina izan zen, lehen ordutik sukaldariak (irudiotan Nieves, Etxeba eta Txifli, sukaldari bikainak) eta laguntzaileak paella eta makailao lehiaketarako kazolak prestatzen dituzte.

Bitartean umeek ez dute gauza gehiegirik behar jolasteko.

Egun alaia benetan.

Etorkizuna ziurtaturik dago, jolastuz eta ikasiz.

Herriko trikitilariek giroa berotu zuten eguerdian eta arratsaldeko lehen orduetan.

Epaileak beren sekretario periodistarekin.

Jon Iriondo, asteburuko protagonistetako bat, Zaldibarko argazki rallya irabazi duelako (zorionak Jon), irudi honetan egunkarian bere izena irakurtzen ari da.

Bazkalostean, mus eta briska txapelketak jokatu ziren barrakoian eta ermita inguruan gaztetxoak ere kartetan jokatzea gustatzen zaiela erakursi zuten.

MENDI MARTXA.

2011-07-17T14:55:00.004Z

Zaldua Mendi Taldeak antolatzen duen urterko mendi martxan 80 martxoso atera ziren Zaldua plazatik Oiz alderantza, goizeko zazpiretan, ordu erdi beranduago bi zaldun agertu ziren zaldiekin martxa egiteko asmoarekin.

SU ARTIFIZIALAK.

2011-07-14T19:51:00.003Z

Jaiak amaitzeko su artifizialak, denbora gutxi iraun zutenak egia esanda.

Suak amaitutakoan, ke artifizialak gelditu ziren herri gainean, argazkiak Urkitze baserria baino metro batzuk goragotik, bide berriztatutik, egin dira.

BALKOITIK BALKOIRA 2011.

2011-07-14T19:18:00.006Z

Bertso saio ederra Zaldua plazan balkoitik balkoira igande arratsaldean ikusi genuena. Bertsolariak primerakoak eta lekua ezin hobea horrelako saio baterako.
Andoni Egañak musika eskolako atril bat atera zuen eta bertsolaritza partitura gabeko musika zela esan zuen.
Onintza Enbeitak etxe barrutik maleta bat atera zuen eta Iberiako zinta eta guzti zituela kantatu zuen, ez zuena ikusi "Camping Bastiagueiro. La Coruña" pegatina izan zen.
Amets Arzallusek jarraitzailerik serioena zeukan egokitu zitzaion balkoiaren azpian.

MORTIMER.

2011-07-13T19:02:00.005Z

Aritza Rodriguezen "Mortimer" antzezlana ikusi genuen larunbata gauean Zaldua plazan. Lekua ezin hobea kale antzerkirako, Aritza itzela eta textua berak idatzitakoa jakinik gehiago. Beste obra batekin errepikatu beharrekoa.

Agurra eta txalo zaparrada. Mila esker Aritza.

AFARIMERIENDA, SABADOARRATSALDEAN.

2011-07-12T17:37:00.005Z

Alkateak, Bilduko zinegotziekin eta zenbait laguntzailerekin ederto erre zituzten sardinak eta solomoa, beraiek ere ondo erreta eta ketuta amaituko zuten arratsaldea.

ELEKTROTXARANGA.

2011-07-12T17:11:00.002Z

LARUNBATEAN UMEENTZAT JOLASAK ESKOLETAKO PATIOAN.

2011-07-11T19:45:00.002Z

3x3 BEDERATZI.

2011-07-11T19:11:00.005Z

Larunbata arratsaldetik 3x3 saskibaloi txapelketa jokatu zen polikiroldegian. Beteranoak (Txiki eta Romero adibide), NBAtik etorritako pibota, eta neska eta mutil gazteagoak izan ziren lagunarteko partiden protagonistak.

Epailearen azken aholkuak gazteenei.

Julenek ezin hiruren aurka, lagun alperrek bakarrik utzi zutelako.

BIZARDUNAK

2011-07-10T22:09:00.005Z

Klikatu argazkixan Bizardunak taldearen argazki gehiago ikusteko musika blogean

DISORDERS.

2011-07-10T08:58:00.005Z

Agur kutsuko kontzertu gogoangarria.

OLINPIADAK UMEENTZAT.

2011-07-09T10:27:00.004Z

Olinpiada jokoak umeentzat udaletxe plazan.

Zer ote dago hor behean, zer ikusten ote dute umeek bilboko baldosa horien artean.

Xabier, eskuak gora eta aurpegia serio.

Eman abisua besteei, gorantza begiratu behar da.

Anteojo infragorriekin aluzinatzen.

KALEJIRA.

2011-07-09T09:48:00.002Z

Etxalarreko Elizagoien ahizpak, igazko trikitilari gazteen lehiaketako irabazleak, kalejira egin dute eta Zaldua plazan lau dantzari izan dituzte, horietatik hiru udaleko alkate eta zinegotziak.

José Mari Iriondorekin.

Atzoko, gaurko eta biharko trikitilariak.

ILARGI HORREKIN EZIN ONDO ENFOKATU.

2011-07-09T09:29:00.002Z

DANTZALDIA TXOZNETAN.

2011-07-09T09:12:00.002Z

Alex Agirrebeitiak girotu zuen gaua disko festarekin. Futbolariek dantzan ere badakitela erakutsi zuten.

Eta beste batzuk serio demonio lanean besteok disfruatu dezagun, mila esker Aitzol eta Olaia, zuek bai kamarero elegantiek.

TRIKIBERTSOPOTEOA.

2011-07-08T20:03:00.002Z

Beñat Ugartetxea eta Garikoitz Sarriugarte bertsolariekin girotu zen trikibertsopoteoa, aulki gainean eta kale erdian ere, bertso ederrak bota zituzten, batez ere inguruan zeudenei buruz kantatuz, Pabus txupineroa horren adibide.

ODOLOSTEAK DENONTZAT.

2011-07-08T19:38:00.003Z

Odoloste pintxoak denontzat edo ia denontzat, 84 kilo odolosterekin milaka pintxo banandu dituztenei mila esker, lan isila baina beharrezkoa (besteok disfrutatzeko) jaietan egiten duzuena, urtean zehar beste hainbat alorretan egiten duzuenaren erakusgarri.

ETA JAIAK HASI DIRA.

2011-07-08T12:13:00.003Z

Herrikoiak dira jaiak, aurretik herriko buruhandiak, jarraian herriko trikitilariak eta atzetik herriko alkate eta zenbait zinegotzi.

GORA GORKA. GORA ZALDUA.

2011-07-08T11:39:00.002Z

Berdez jantzi zen balkoia txupinazorako, Zaldua futbol taldekoek bete zituzten balkoia eta lehioak, eta Gorkak alkatearen animoekin bota zuen txupinazoa.

TXOPOA GORA. GORA ZALDIBARKO JAIAK.

2011-07-08T11:19:00.005Z

ASTEBURUAN KIROLAK ETA ARGAZKIGINTZA.

2011-07-04T19:33:00.006Z

Nik ez dut kirolik egiten, baina argazkiak piloa, igandean argazki rallya herritik zehar eta asteburu osoan hainbat kirol ekintza izan dira gure herrian eta baita telebistaz jarraitzekoak ere ordu guztietan.
Hemen jartzen ditut argazki ezanguratsu batzuk.
Behekoa Fidel Castroren ilobarena da, igandean erlojuz kontrako lasterketa ikustera etorri zen.

Enertz Iturriaga txirrindularia sailkapenak begiratzen, geroxeago sari banaketan lagunduko zuen.

Gazteen mailan Eskoziatik etorritako taldeak irabazi zituen larunbateko lasterketa eta igandeko taldekako erlojuz kontrakoa ere. Txirrindulari bat lasterketa bukatuta ere kontzentraturik eta bere laguna aurpegiak ipintzen argazkirako.

Hauek Bizkaiako nesken erlojuzkontrako txapeldunak.

Merueloko kantabriarrak lotsati samar sariak jasotzerakoan, beraiek irabazi zuten nesken erlojuaren kontrakoa.

Hauek Igorreko gaztetxoak dira, argazkietan ateratzeko gogo biziz zeuden lasterketa hasi aurretik.

Zalduak antolatzen duen futbito txapelketan jende asko asteburu osoan, eta azkenean finala herriko bi talderen artean jokatu zen.

Futbolaz gainera ballet apur bat ere egiten ikusi genuen zenbait jokalari.

Finala jokatu zutenak lagunak zirenez, ba besarkada gorri berdeak.

Txapeldunordeak.

Txapeldunak.

48 horas de futbito 2011

2011-07-04T17:39:00.004Z

Trofeo a la primera fractura. Junto a otro también bastante simpático, los mas graciosos que en su vida han otorgado al portero del Azken txanpa, el equipo mas veterano, entre los participantes de este año en el maratón de futbito.
Os recuerdo que clicando sobre la imagen se amplia un poco

Sirva esta, algo extraña, introducción, para comentar que van apareciendo hilos sobre el tema, en kirolak

Liburutegiko 1.argazki lehiaketa

2011-07-04T10:26:00.002Z

Me he encontrado con esta nueva iniciativa y desde aqui nos queremos unir a su divulgación.
Clicando sobre la imagen se ampliará y se puede ver mejor la información.

Aprovecho para comentaros a todos los grupos o personas, que todo aquello que organiceis y querais dar publicidad, podemos ponerlo en Zaldiblog, os poneis en contacto con Delfin o conmigo, nos enviais el fichero a subir y arriba, no sabemos a cuantos zaldibartarras llegará por este medio, pero seguro que alguien lo vé. Eso si, mejor con tiempo, que a veces no llegamos a todo.

AUPA PABUS. TXUPINERO 2011.

2011-06-30T20:16:00.005Z

Datorren ostegunean, jaiei hasiera emateko Gorka Llorente "Pabus"-ek jaurtiko du txapligua, udaletxeko balkoitik.
Jai batzordeak erabaki zuen nagusien Zaldua futbol taldeak jaurtiko zuela aurtengo jaiei hasiera emateko txapligua, kategoria bat igo direlako, "preferente " mailara. Eta jokalari eta entrenatzaileek Gorka izango dela txupineroa erabaki dute. Ohore hori merezi du Gorkak, Zaldua futbol taldean egiten duen lanaren eskertze moduan. 34 urte dauzka eta 15 daroaz materialeen arduradun giza lanean, eta beste hainbat zereginetan laguntzen.
Bejondizula Gorka.

El próximo jueves Gorka será el encargado de tirar el cohete anunciador del comienzo de las fiestas. La comisión de fiestas decidió que fuera el equipo mayor del Zaldua de fútbol quien echara el cohete anunciador de las fiestas 2011, sus jugadores y entrenadores han apostado por Pabus como txupinero. Se lo merece, creo que será todo un honor para él y un reconocimiento a sus 34 años, de los cuales 15 ha sido el encargado del material del club Zaldua, además de ayudar en infinidad de tareas diarias.
Enhorabuena, al igual que en la sesión fotográfica, tendras el ánimo de la chavaleria y por supuesto de todos los que vayamos al primer acto oficial de las fiestas de 2011.