HELMUGAKO BAZKIDEEN IÑAUTERIETAKO TOSTADAK.

Ostiral arratsaldean Helmugako bazkideek iñauterietako tostada eta txokolatearekin askari gozoa egin zuten Olazarren, hamar egun barru emakume langilearen eguna indar berriekin ospatzeko izan dadila, hainbat ekintza prestatzen ari direlako egun horretarako.

ZALDIBAR BERBARIK BERBA INTERNETEN.

Orain hamar urte Iñaki Gaminde filologoak Zaldibarko euskarari buruzko ikerketa egin zuen eta "Zaldibar berbarik berba" liburuan argitaratu zen. Gaur arratsaldean aurkeztu dena lan horren webgunea izan da, " www.zaldibar-euskaraz.com" atarian ikusi eta entzungo dira berrogei zaldibartarrei egindako elkarrizketak, hitzak, ipuinak eta kantak, eta nahi izanez gero ekarpen gehiago egiteko aukera ere.
Goiko argazkian gaurko aurkezpenera joan garenen artean Gaminderen informatzaileetariko batzuk. Behekoan Arantza alkatea, Inma Eguen euskara teknikaria eta Iñaki Gaminde. Azken argazkian digitalizazioa egin duen Joxerra Aizpurua "iametza interaktiboa" enpresakoa.

IÑAUTERIETAKO MOZORRO DANTZALDIA.

Agintarien baimenarekin (Arantza Alkondesa, Albako Lolakondesa eta Sherif kuadrilla) dantzaldia hasi zen, MAR.ISK.AL.DeJai-rekin, bai izen artistiko konplikatua jarri diola Alex Agirrebeitiak bere egitasmo musikalari.

IÑAUTERIETAKO MOZORRO LEHIAKETA.

HOTZARI TXORIZOA. TXITXIBURDUNTZI.

TOMBOLA.

Tómbola izenarekin ezagutzen da tonbola solidario hau, gazte kristau talde baten eta Hirugarren Mundua Emakumeen taldearen artean antolatzen dutena. Emakumeek josketa lanekin egiten dituzte sariak urtean zehar eta beste sariak leku desberdinetatik lortzen dituzte (aurten herriko denda eta tabernen laguntza izan dute), guztira 1700 sari baino gehiago banatuko dira asteburu osoan.
Lortzen den diru guztia herriko hiru misiolariei ematen zaie beraien misioetan erabili dezaten.

IGANDEAN TXITXIBURDUNTZI.

ASTEBURUAN TONBOLA SOLIDARIOA.

IDAZLEA BERE HERRIKO IRAKURLEEKIN.

Udal liburutegian "Zaharrak ez zuen hil nahi" nobelaren aurkezpena baino gehiago Gaizka Zabarte egilearekin liburuaz, solasaldi oso interesgarria izan zen ostegunekoa. Uste dut bertaratu ginen gehienok irakurria dugula, eta liburuko gauza askori buruz hitz egin zen, lekuak, izenak, misterioak, bukaera eta beste bukaera posible batzuk, idazteaz eta argitaratzeaz ere hitz egin zen, Jabi liburuzainaren galderekin hasi eta gero beste askoren galdera guztiei erantzun zien Gaizkak. Irakurri duzun liburuaz idazlearekin ordu beteko solasaldi ederra irakurketaren osagarri ideala izan zen.
Mila esker Gaizka.

GAUR ERE ELURRA.